Wat ji in düt Heft lesen un op de CD hören köönt: (DIN A5 - 36 Sieden / jewel case - 60.19 Min.)
- Tanzen möcht' ich - Currywust-Fanclub -->Hörprobe 1.48min - Na, wo heet he noch? - Prüfungskandidaten - Ümfullen - Eenmaal rundüm nied maken, bidde!
____________________________________________
Tanzen möcht‘ ich
Lang nich jedereen beleevt dat maalins in sien Leven, dat he vun’n Saulus to’n Paulus warrt. Kümmst op de Welt, büst as du büst un kannst meist nich rut ut dien Huut. Büst je keen Chamäleon, wat jedertiet sien Klöör rasant an sien Ümgegend anpassen kann!
Dat ick mi maalins vun een radikaalen Danzmuffel, för den nix malleriger un blöödsinniger is as dat Danzen, in een Danzwütigen verwanneln wörr – een, de opleevst keen Danz utlett – also maal seggen „vun een Danz-Saulus in een Danz-Paulus" - nee, dat will mi hüdigendaags noch nich recht to Kopp.
Schöönen Danzsaal mit festliche Dekoratschoon, schummeriges Licht, Dischen mit Schampus-Glöös, ..........
Liekers de Schoolmeister luut mittell, keemen wi totaal ut’n Padd. Wi bleven denn as anwussen op de Stell stahn – as so’n poor opsternaatsche Esels – un denn hölp allens nix: de ganze Mannschaft müss stop maken. Esels köönt keen Menuett danzen! Opsternaatsche Esels eirst recht nich!
Lotti alleen weer op keen Fall schüllig. Mi weer nix anners mehr towöller as de blöödsinnige Danzeree, ick weer sodennig wrantig un vergretzt, stuur un bockköppig, nix weer mi lever west, as dat de Schoolmeister mi de rode Koort wiest un mi rutsmeten harr. Aver nix dor! Een an de Riestüten kreeg ick un kunn nu endlich loosblarren na de Blamaasch, na Schimp un Schann un mit dree Zentner Wuut in Buuk. ...........
Vör den drütten Danzschool-Nameddag dreep ick Abbi Bötter. „Kumm doch mit", prangel Abbi, „wi köönt uns een feinen Nameddag maken, köönt Sahnebuntjes lutschen un achtern Knick smöken. Un in de Danzschool, dat maakt Spaaß! Dor geiht dat vergnöögt to, kannst örnlich Quatsch maken!"
Ick kunn mi överwinnen. Wenn Abbi, de ool Döösbartel, wenn de dat goot finnt un dor kloorkümmt, denn mutt dor wull wat an ween. Ick güng mit un - süh dor: Es geschehen noch Zeichen und Wunder! Ick fünn Gefallen an’t Danzen, vun Maal to Maal mehr un mehr!
De ool Danzlehrer Studt mit sien Fiedel ünnern Arm güng al een beten krumm, aver he kunn mit sien Snarr-Stimm goot verkloren un mit sien swatten Lackschoh an de Fööt goot vörmaken, wat wi liehrn schulln, un he harr Gedüür mit uns. ..........
Ja, un wenn di denn eirstmaal dat Tangofever packt hett – so mit ..........
___________________________________________
Eenmaal rundüm nied maken, bidde!
.......... Udo güng wöller een Schritt trüch. Een penetranten Röök vun jichenseen Boddie-Lotschoon – een Deo - weer em in de Nees süselt. ‚De stinkt ut alle Knooplöcker, de Kirl!‘ dach he. „Deit mi leed!" schüttkopp he, „ook wenn ick mi vörstell, dat du een Brell op de Nees hest, un wenn ick mi de schöönen Tähnen wöller wegdink, ick kann dat ni klook kriegen, wokeen du büst. Büst du villicht Torben?"
„Torben? Bün ick dat Hangelschap vun Ikea?" roor de anner. „Nee, nee", swiester he denn geheemnisvull, „de bruun Farv in‘t Gesicht un so, de musst di natüürlich ook wegdinken. Keeneen bruukt hüüttodaags mehr mit’n Keesgesicht, witte Höhnerbost un Kalkbeen rümlopen! Geihst poormaal in‘t Sünnenstudio un – ruckzuck – is dien Huut bruun as de brunen Kokens to Wintertiet. So du dat wullt, kümmst as’n Grillgockel wöller rut ut dat Sünnenstudio." ..........
