Wat ji in düt Heft lesen un op de CD hören köönt: (DIN A5 - 38 Sieden / jewel case - 66.50 Min.)
- Knall un Fall - Halt allens relativ - sotoseggen - Olaf friegt wöller - Keen weet, wo dat goot för is - Ick will ja nix seggt hebben -->Hörprobe('58min) - Emanzipatschoon - Dat kümmt mi topass
____________________________________________
Knall un Fall
Wat Burkhard Linderoth angeiht, de hett een Kursus in de Volkshoochschool mitmaakt, dat weer een Kursus för „Meditatives Tanzen". Un op düssen Kursus, dor is em een junge Fru in’t Oog schoten – mit Naam Heidelinde..........
‚Hmm, dat is een ganze Sööte,‘ harr Burkhard dacht. ‚Un wo charmant se smuustern un plinkern kann un wo elegant se to de Musik rümküseln, sik winnen un bewegen kann!‘............ ____________________________________________
Olaf friegt wöller
.......... De Fru, de Olaf toletzt över een Kuntaktanzeig kennenliehrt hett, heeß Rosemarie, so hebbt sien neeschierigen Mackers dat rutkregen. Aver Olaf müss ook nich lang kettelt un beddelt warrn, bet he de ganze Geschicht mit Rosemarie rutrück, un de hüür sik so an:
Een kultiveertes Froonsminsch is dat, mutt ick seggen – so keem Olaf in’t Vertellen - beten snaaksch un etepetete op ehr Oort, aver passabel antokieken. Wi sünd denn poormaal tosamen utgahn, un achterna heff ick to mi sülben seggt: ‚Olaf‘, heff ick seggt, ‚markst Müüs? Dor löppt wat, de Fru will wat vun di!‘
Denn hett se mi för een Avend in ehr Wahnung inlaadt. .......... ____________________________________________
Keen weet, wo dat goot för is
.......... Goot veerteihn Daag laterto! Den een Avend is dat. Annegret hett wat in ehr Keller-Sammelsurium to richten, Reinhold hett sik al in de Stuuv innevelt, do rumst dat ünnen eirst kott un deftig – Peng! – denn unbanniges Pultern un Klötern un Scheppern.
Annegret kriescht schrill op. Se harr sik natüürlich nix andaan, harr de Kellerdöör jüst achter sik tomaakt, as dat ballern dee.
Dütmaal weer een Weckglas mit Höhnerfrikassee in de Luft gahn, un de Sappsch weer in alle Richten sprütt.
Een vun Annegret ehr jackeligen Regalen weer ümkippt un so üm un bi twintig vulle Weckglöös weern to Bruch gahn. Sodom un Gomorrha!..........
